Ufìtziu de sa Limba Sarda ''Ogiastra de susu''

Baunei. Aberit s'Ufìtziu de sa Limba Sarda

Est ativu dae su mese de Ghennàrgiu s'Ufìtziu de sa Limba Sarda ''Ogiastra de susu''. De su progetu, finantziadu dae sa Lege 482/99 e dae sa Lege Regionale 22/2018, faghent parte is comunos de Baunei (Capufila), Gelisuli, Lotzorai, Talana, Triei, Orthullè, Biddamanna Strisàili.

S'Ufìtziu Linguìsticu s'at a ocupare de sa furriadura in sardu de avisos, comunicados, locandinas e documentos in essida dae is entes comunales, in prus, at a donare a su pùblicu unu servìtziu de consulèntzia linguìstica e ortogràfica. Si proponet de collaborare cun is realtades culturales locales, assòtzios, Pro Loco, Bibliotecas, Tzentros de Agregatzione Sotziale e Ludotecas.

Su progetu previdit laboratòrios culturales de promotzione e animatzione de letura in limba sarda pro is pitzocheddos de s'iscola primaria 2° tziclu.

Est prevìdidu peri unu cursu de limba e cultura sarda pensadu pro is amministradores, impiegados comunales e a totu sa populatzione de is Comunos interessados.

Is laboratòrios culturales e su cursu de limba sarda ant a èssere programmados e publitzizados in is chidas sighentes.

Is operadores linguìsticos ant definidu cun is amministratziones is oràrios e is dies chi is isportellos ant a èssere abertos a su pùblicu (in is lìmites de is disponimentos sanitàrios in vigèntzia).

Oràriu

Baunei Lunis 11:00-13:15
Gelisuli Martis 15:30-17:45
Lotzorai Martis 11:15-13:30
Talana Lunis 8:30-10:45
Triei Martis 8:30-10:45
Orthullè Lunis 11:15-13:30
Biddamanna Strisàili Martis 9:00-11:15

Sa mail est isportelluogiastradesusu@gmail.com

S'operadora Susanna Floreddu telèfono 3208996930 pro s'isportellu de Baunei e Biddamanna Strisàili

S'operadore Alessandro Podda telèfono 3287137001 pro s'isportellu de Gelisuli, Lotzorai, Talana, Triei, Orthullè

Acàpiu de riferimentu pro su blog

https://ogiastradesusu.wordpress.com